यस विद्यालयको स्थापना मिति २०६२ साल मा साविक बेसीबिचवा वडा न. ५, विकास बस्ती मा भएको थियो। विद्यालय सुरुवाती रूपमा ३ कोठे धुलौटे टहरा बाट सुरु भएको थियो। विद्यालयको सुरुवाती चरणमा कोठा निर्माणका लागि बाबुराम राना लाई अध्यक्ष बनाई तदर्थ समिति गठन गरिएको थियो। कोठा निर्माणका लागि नयाँ गाउँको अक्षय कोषबाट रू. ५०,००० (अक्षरेपी पचास हजार) सहयोग प्राप्त भएको थियो।
साथै, गाउँका भद्रभलाश शिक्षा प्रेमी सामाजिक अगुवाहरूको नेतृत्वमा समुदायिक वनबाट काठ संकलन गरी ३ कोठे धुलौटे टहरा निर्माण गरिएको थियो। कक्षाकोठा खुला भएकाले पठनपाठन गर्न असहज हुने, कहिले गाई-गोरु त कहिले बाख्राले कक्षा कोठा बिगार्ने समस्या भइरहन्थ्यो। यस समस्यालाई मध्यनजर गर्दै विद्यालयको तदर्थ समिति तथा राम बहादुर राना को नेतृत्वमा दोंदानदीमा काठे पुल निर्माण गरी बाटुवाहरूबाट रू. १,१५,००० संकलन गरी कक्षाकोठाको भित्ता बनाउन सफल भएको थियो।
विद्यालयको सुरुवातमा २ जना निजि स्रोतबाट तलब भुक्तान गरिने गरी तत्कालिन बाईसीबिचवा गा.वि.स. वडा न. ५, विकास बस्ती निवासी सेवाराम राना (प्र. अ.) र बबिता बडायक (सहायक शिक्षक) पदमा नियुक्त गरिएको थियो। मिति २०६३ पौष २५ गते जिल्ला शिक्षा कार्यालयबाट १ कक्षा सञ्चालन अनुमति प्राप्त भयो। त्यसपछि हरेक वर्ष थप कक्षा अनुमति प्राप्त गर्दै गयो।
विद्यार्थी संख्या वृद्धि भएसँगै शिक्षकको अभाव पनि हुँदै गयो। त्यसका लागि विद्यालय व्यवस्थापन समिति, शिक्षक-अभिभावक संघ, विद्यालय प्रशासन तथा तत्कालिन स्रोत व्यक्ति श्री विष्णुभक्त पौडेल सरको विशेष पहलमा जिल्ला शिक्षा कार्यालयले १ महिला राहत कोटा (दरबन्दी) प्राप्त गर्यो। सो राहत दरबन्दीमा बिमला अर्याल छनोटमा पर्न सफल हुनुभयो। त्यसैगरी २०६५ सालमा थप १ राहत दरबन्दी प्राप्त गरी सो दरबन्दीमा साविक परासन गा.वि.स. की रेश्मा राना छनोटमा परी नियुक्त हुनुभयो।
दरबन्दी मिलानको क्रममा २०७२ सालमा जिल्ला शिक्षा कार्यालयले यस विद्यालयलाई २ स्थायी दरबन्दी स्वीकृत गरी पठाएको थियो।
स्थायी दरबन्दीमा: प्रा. बि. द्वितीय श्रेणी शिक्षक - श्री राम बहादुर राना
तृतीय श्रेणी शिक्षिका - श्रीमती भागरथी राना पदस्थापन हुनुभयो।
हाल विद्यालयमा कक्षा १ देखि ५ सम्म सञ्चालनमा रहेको छ। कक्षा नर्सरी र के.जी. मा अंग्रेजी माध्यम मा पठनपाठन सुरु गरिएको छ। विद्यालयमा बालमैत्री कक्षाकोठा, सेवालाई सहज बनाउने वातावरण, हरियाली गार्डेन समेत रहेको छ।
- डिजिटल प्रविधि तथा आधुनिक शिक्षण विधिहरूलाई विद्यालय शिक्षामा एकीकृत गर्ने।
- विद्यार्थीहरूको बौद्धिक, शारीरिक, भावनात्मक र सामाजिक विकासलाई प्रोत्साहित गर्ने।
- व्यवहारिक शिक्षाको माध्यमबाट विद्यार्थीलाई जीवनोपयोगी सीप सिकाउने।
- संस्कारयुक्त, अनुशासित र सिर्जनशील विद्यार्थी उत्पादन गर्ने वातावरण निर्माण गर्ने।
- सिप मुलुक मूल्याङ्कन प्रणाली लागू गरी शिक्षाको स्तर सुधार गर्ने।
विद्यालयको आफ्नै एक छुट्टै दृष्टिकोण रहेको पाइन्छ हाम्रो विद्यालयको दृष्टिको गुणस्तरीय प्रविधिमैत्री र समावेशी शिक्षाको माध्यमबाट भविष्यका सक्षम आत्मनिर्भर र जिम्मेवार नागरिक निर्माण गर्ने रहेको छ। विद्यालयले गुणस्तरीय शिक्षा नविनतम प्रविधि समावेशी शिक्षण पद्धतिबाट विद्यार्थीलाई उज्वल भविष्यतर्फ अगाडि बढाउने लक्ष्य राखेको छ।
सस्कार र सस्कृति संगै बालबालिकालाई मनोरंजनको बिकास नि गर्नुपर्छ यो धर्तीमा कोपिला फुलेको हेर्ने रहर हरेक शिक्षक र आमाबाबुको रहेको हुन्छ |विद्यालयको उद्देश्य यस परकार रहेको छ। कुनै पनि विद्यालयको आफ्नै उद्देश्य रहेको हुन्छ। यसैगरी हाम्रो विद्यालयको पनि केही साझा उद्देश्यहरू राखेका छन्। विद्यार्थीहरूलाई गुणस्तरीय समावेशी व्यावहारिक शिक्षा प्रदान गर्ने नविनतम प्रविधि को सहयोग सही सदुपयोग गरी प्रयोगात्मक शिक्षण विधि रचनात्मक सोच का साथै अगाडि बढ्नको लागि सम्पूर्ण विद्यालय को सामूहिक उद्देश्य रहेको छ र अनुशासन र सामाजिक उत्तरदायित्व सहितको चरित्रवान नागरिक निर्माण गर्न सधैँ तयार छौं। विद्यार्थीहरूको प्रतिभा सृजनशीलता शिप विकास गर्न अवसर प्रदान गर्ने शिक्षक अभिभावक र समुदाय बीचको सम्बन्धलाई सशक्त बनाउने |
.png)
